«Жылдың үздік балалар жаттықтырушысы» - Виктория Волкова

Бүгін Астана қаласында Туризм және спорт министрлігінің ұйымдастыруымен 2023 жылдың қорытындысы бойынша «Үздік» атты спортшыларды салтанатты марапаттау іс-шарасы өтті. Жыл сайынғы дәстүрлі іс-шара барысында ел абыройын асқақтатып, жеңіс тұғырынан көрінген спортшылар, спорт саласына елеулі үлес қосқан сала мамандары 18 аталым бойынша марапатталады.

Министрлік тарапынан таңдалған үздіктер қатарында баскетбол жаттықтырушысы да бар. Балалар мен жасөспірімдер спортын дамытып, аймақтағы баскетбол саласындағы ерекше еңбегі үшін «Жылдың үздік балалар жаттықтырушысы» аталымында – ақмолалық Виктория Волкова үздік атанды.

Викторияны осы жеңісімен құттықтаймыз. Бұл марапат министрлік тарапынан бүкіл баскетбол қауымдастығына деген үлкен құрметтің белгісі.

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.