Ұлттық лига: алғашқы жартылай финалдық ойында «Irbis» жеңіске жетті

Жартылай финалдық ойында «Irbis» өз алаңында «Ақтөбе» командасын қабылдады. Бірінші кезең алаң иелерінің еншісіне жазылды, есеп - 28:19. Үлкен үзіліске «Ақтөбе» қарсыласын қуып жете алмай, командалар 51:33 есебімен үзіліске шықты.

Үшінші кезеңде алматылықтар ұпай айырмашылығын 23 ұпайға дейін ұлғайтып, таблода 70:47 есебі тіркелді. Кездесу соңында қос команда тартысты ойын өрнегін көрсете білді, есеп 87:69 (28:19; 23:14; 19:14; 17:22) «Irbis» пайдасына шешілді.

Матчтың үздік ойыншылары:
“Ақтөбе”: Ванте Хендрикс – ұпай - 17, доп қақшу - 9, нәтижелі пас - 4, тиімділік - 28

«Irbis»: Роберт Пан – ұпай - 17, доп қақшу - 12, нәтижелі пас - 3, тиімділік - 25

«Irbis» пен «Ақтөбе» арасындағы келесі ойын ертең сағат 18:00-де өтеді.

---

Біздің сайттағы жаңалықтарды оқып, қазақстандық баскетболға қатысты барлық шаралар туралы хабардар болыңыздар. Instagram, Facebook, Vkontakte әлеуметтік желілері мен YouTube арнамызға жазылыңыздар.